بدايات

3>  3> 3>

و دون عمد.. قبل 

31-12 بيومين
5 أعوام مضت :)
أؤمن أن التواريخ ليست صدفة

..

"وَأَشْرَقَتِ الأَرْضُ بِنُورِ رَبِّهَا
وَوُضِعَ الْكِتَابُ
وَجِيءَ بِالنَّبِيِّينَ وَالشُّهَدَاءِ
وَقُضِيَ بَيْنَهُمْ بِالْحَقِّ 
وَهُمْ لا يُظْلَمُونَ"

هذه الأرض تُظلِمُ يوماً بعد يوم..
تضيق علينا بما رحبت ظُلماً..
ظُلم وظلام..اسمان اُشتِقا من (ظ ل م) .. لم تكن محض مصادفة..
فاللهم إنا نعوذُ بك من ضيق الدنيا وضيق يوم القيامة..
ونسألك نوراً نتلمس به الطريق فيه هذه الأرض حنى نلقاك..
ونسألك اليقين والمعافاة والصبر والثبات حتى نلقاك..
فأنت الحق وما سواك باطل..
أنت الحق..وما سواك..باطل

هنا

أن تقف على منصة..تتعلق بك العيون العيون وتصغي لك الآذان.. لتكشف مشاعرك وأفكارك أمام الجميع..لهي شجاعة لا أمتلكها ..
فقط في دفاتري..وهنا..منصتي الصغيرة وراء ستار المسرح..ألقي ببعض الكلمات وبعض أشيائي وأمضي دون اكتراث..
هنا مخبئي الصغير السري ..حيث لا يمضي سوى عابرون غرباء تعثرت خطاهم على عتباتي مصادفة فيرحلون في هدوء أو قد يلقون السلام..
أو العابرون المحبين بصدق كصديق قديم وفي تعنًَى ركوب القطار في سفر بعيد.. فقط ليراك..
هنا البث التجريبي الذي سيظل دوماً جريبياً..
هنا بيتي الذي لم يحتويني في الفضاء الشبكي سواه.

نور شمس

وكأن هذه الكلمات خُطت من أجلك ..
حين سمعتها أول مرة لم يستدعي خاطري سواكِ..
نعم أنتِ أنور من بدر التمام!
كيف لا وأنتِ نورُ شمسٍ أضاءت كوني حباً ودفئاً؟
حفظك الله يا ابنتي من كل سوء..
وسدد خطاك ِِ إلى كل خير سدد إليه عباده المصطفين الأخيار الأبرار.

"ونِصْفُكِ كافورٌ..

وثُلثكِ عَنْبِرُ..

وخُمسكِ ماء وردٍ..

وباقيكِ سكرُ"

Origami corner bookmark

Origami tulip flower

Origami tulip flower

فكرتي عن الأوريجامي الأول كانت أنه حاجة معقدة وعايزة صبر لأن خطواته كثير..
لحد ما عملت النجمة الصفراء ..شكلها كان عاجبني وكنت بشوفها في صور كثير حلوة وبأحجام مختلفة ..فدورت على فيديو بيشرح ازاي تتعمل ولقيت الموضوع سهل..
الأوريجامي عموماً له مستويات في الصعوبة...فيه حاجات سهلة وفيه حاجات معقدة..
لما سألت على ورق الأوريجامي عرفت أنه مش متوافر في مصر وأن غالباً الناس بتجيب ورق A4 وبتقصه مربع..
جربت عملت كام حاجة بورق أبيض وورق ملون بس ما صورتهمش..
لحد ما أختي جابتلي معاها وهي جاية مصر فعملت دول وصورتهم :)

...

في كل صلاة جمعة وفي نهاية الخطبة أسمع خطيب المسجد المقابل لبيتنا يدعو بنفس الدعاء : "اللهم انصر من نصر الدين واخذل من خذل الدين".
أتسائل في نفسي: ترى من يخذل الإسلام اليوم سوى المسلمين؟
فهل يستجيب الله لهذا الدعاء؟
أتسائل إن كان حالنا اليوم هو بالفعل خذلان أم ابتلاء؟
أصبحت حقاً أعجز عن التأمين على مثل هذه الأدعية.
فاللهم اهدِ المسلمين للإسلام ولأخلاق الإسلام ولفهم الإسلام.

...

أحياناً قد نملك من القوة ما يمكننا من مواجهة الأيام بروح مقاتل يمضي في معركته باسلاً رغم توالي الضربات..
وأحياناً نصبح تماماً كما طفل صغر جرح جرحاً طفيفاً ما يكاد يراه غيره..
لكنه لا يهدأ  حتى تضع عليه أمه ضماداً فيسكن ..
فهو لا يبحث عن توقف الألم..هو لا يريد سوى اعترافاً..
هذا جرح..
مكانه هنا..
وهو يؤلم..
نمضي في الحياة نتقلب بين الحالتين..قوة المحارب وهشاشة الطفل..ويصدر العابرون في حياتنا علينا أحكاماً بإحداهن..
ولا يفهمنا سواهم..من يرون الجرح..
من يضعون الضماد ويعترفون..
هذا جرح..
مكانه هنا..
وهو يؤلم.

رحيل

سلام عليك يا صديق..
سلام على ما كنتَ ومن كنتَ..
سلام على ما كنا ومن كنا..

25

"يارب.. كنْتَ معي في ظُلمةِ الرَّحِمِ.. في طفولتي وأحلامي.. في تفاصيلي الصغيرة..

كنْتَ معي في الإخفاقِ والنّجاح.. في مُواجهة الحياة.. في الانطلاق والنّهاية.. أمامَ ألسِنَةٍ جارِحةٍ وخلفَ مخالِبِ الظلام..

يارب.. وأنتَ الجميلُ الذي خلقْتَني جميلاً، وأردْتَ لي أن أكونَ كما خلقْتَني؛ أبقِني على فطرتكَ بعيداً عن تشويه ذاتي..

يارب.. وكُلُّ نَفَسٍ يُقرِّبُني إليك.. وكل صباحٍ أستفتِحُ فيه بذكرك؛ امنحني القُوَّةَ أنْ لا تتعثَّرَ خُطايَ في مسيري إليكَ..

يارب.. أعطِني حُرِّيَّةً بقدْرِ عُبوديَّتي لكَ، ويقيناً بقدر أَمَلي فيك، واجعلْ ما بيني وبينَكَ مسافةَ حُبٍّ وقرِّبْها..

يارب.. مَنحْتَني عينَيْنِ ولساناً وشفتين.. اهدِني أنْ لا تنْشغِلَ هذه الجوارحُ بغيرِكَ عنكَ..

يارب.. وأنْتَ الكبيرُ في عليائِكَ وأنا الهَباءةُ في كونِكَ؛ فَكُنْ أنتَ الصَّاحب في سَفرِ الحياة.."

...

عارف ؟
كفاية أنه يبقى في حياتك بني آدم واحد.. ولو واحد بس ..فاهمك كويس..
فاهم امتى بتبقى عايز تتكلم وامتى بتبقى عايز تسكت.. وفاهم امتى بتبقى عايز تتكلم بس مش عارف وفاهم ازاي يطلع منك الكلام..
فاهم امتى يسيبك في قوقعتك وامتى يقتحم عليك عزلتك ويقولك كفاية كده..
 لما تيجي تشرحله حاجة مش محتاج تشرح كثير..ولما تسكت وما تكملش الجملة بيبقى فاهم تكملتها..ومشكلته أنك مش بتعرف تخبي أو تتوه الكلام حتى لو كلامكم كتابة ..
يعرف عنك الِّ ماحدش يعرفه حرفياً..وبتحكيله حاجات ما بتعرفش تحكيها لحد ثاني مهما كان قريب..عشان بتحس بالأمان وأنت بتكلمه..بتحس أنك بتكلم نفسك..
فاهم كويس أنك مش مثالي وفاهم عيوبك ومتقبلك زي ما أنت ومش بيلومك كل شوية عليها لا بكلامه ولا بسكوته.
 تعدي بيكم مواقف كفيلة بأنها تبوظ علاقتكم للأبد ولو كان قرر يقطع علاقته بيك كان هيبقى له كل العذر وماكنتش هتلومه ولا تقدر بس هو  لسبب ما بيقرر يكمل ويحسسك أنه ولا حاجة حصلت..
تفضل علاقتك بيه زي ما هي مهما يعدي وقت ما تشوفوش بعض أو تتكلموا..مع أن السنين بتجري والناس بتتغير وأنت نفسك بتتغير.
تعدي عليك لحظات سيئة وتبقى حاسس أنك لوحدك تماماً ..وعشان متأكد كويس أن كل ال حواليك عندهم مشاغلهم ومشاكلهم وهمومهم ال يمكن أكبر من مشاكلك بتقرر تسكت ..فتلاقي حد بيتصل بيك ويقولك أنه حاسس أنك مش كويس(مع أنكم ما اتكلمتوش ولا شفتوا بعض مؤخراً ) وأنه آسف عشان مش عارف يعمل إيه عشان نفسه يشوفك  ومافيش وقت سامح!

 صعب تلاقي حد واحد في كل ده..فلو لاقيته فهو والله نعمة كبيرة المفروض الواحد يحمد ربنا عليها كل يوم لأن الشكل ده من العلاقات صعبة تحصل و لو حصلت بتبقى بتيسير كامل من ربنا..وربنا لوحده هو ال بيهيء الظروف لوجودها واستمرارها..
وممكن الواحد يعيش عمره كله ومايلاقيهاش..وممكن يلاقيها في فترة من حياته ويفقدها في فترة ثانية..
هي في الأول والآخر رزق من ربنا.. زي أي رزق ثاني ممكن ربنا يديه لحد ويمنع حاجة ثانية أو يمنعه ويديله حاجة ثانية..
وإن كان من العقل أن الواحد ما يتوقعش الشكل ده من كل الناس المقربين عشان الحياة صعبة جداً وأيامنا دي أصعب..بس الحياة من غير حد كده صعبة برده.

عارفة ؟
 أنا بحمد ربنا أنك لسه موجودة.. حتى لو كنت بفتقد أيام زمان..بحمد ربنا أنك لسه هنا وفي الوقت ده..
يمكن في وقت هيبقى مطلوب مني اتقبل شكل جديد لصداقتنا زي ما مطلوب مني دلوقتي اتقبل حاجات كثير اتغيرت في حياتي..عارفة أنه التقبل هيبقى صعب زي ما هو صعب دلوقتي..
وعارفة كويس أني عمري ما هلاقي زيك..
بس عارفة أن فيه علاقات شكلها بس بيتغير.. بس من جواها بتفضل زي ماهي..
وعارفة كمان أن له أخت ما بيخسرهاش وبتفضل أخته على طول مهما بعدت المسافات أو عدى وقت.
شكراً على كل حاجة..وآسفة على كل حاجة.

"ورغم أن الكلام أصلاً بينقص حاجة كل ما زاد"

...

وسائل مقاومة موجات الاكتئاب العاتية:
-الأذكار والقرآن.
-أشخبط أي حاجةوأصورها.
-أشتري دفتر جديد.
-أعمل أي حاجة بإيدي وأصورها برده أو أصور حاجة بحبها.
-التصوير والصور الحلوة عموماً .

امبارح كان فيه موجة عالية ودي كانت النتيجة:
-بوك مارك من علبة مناديل وعلبة موبايل.
-صورت نجمتيني ودفتر الزرافة ومقلمتي الجديدة والدلو الصغير 3>  D:

...

...

فيه علاقات في حياتنا عبارة عن تقاطعات..حصلت عشان المرحلة دي في حياتي تقاطعت مع مرحلة ما في حياة الشخص الثاني..وما بتتخطاش كونها التقاطع ده..ما بتترقاش حتى لو حاولت ..ولما بتيجي تعدي بيها مرحلة تالية في حياتك ما بتعديش..أو بتعدي بنفس شكلها ..هو ده آخر upgrade ليها ما تتوقعش حاجة ثانية..ولو اتوقعت حاجة ثانية هتبقى فعلاً بتظلم الطرف الآخر..
------------------------
بحس أن أعمق و أقصى شكل للحزن أو الزعل هو لما الإنسان بيفقد القدرة على التعبير..
عشان كده الواحد بيخاف لما مش بيعرف يعبر..عشان بيبقى الحزن هو المتحكم في زمام الأمور..هو الِّ سايق..والواحد بيفقد السيطرة على كل حاجة..
طول ما الواحد بيعبر طول ما هو كويس ومايتخافش عليه..وطول ما هو متحكم ولو كان في أكثر مراحل ضعفه..زي الكتابة كده عند الست رضوى الله يرحمها..
فيه ناس من كثر زعلها ما بتنطقش.. بتدخل تنام وما بتصحاش..
في اللغة بيقولوا "مات كمداً" والكمد هو الحزن المكتوم ..
اللهم إنا نعوذ بك من الهم والحزن.

...

اللهم بلغنا رمضان :)