قطع ايدك

!!!

ويستجوبونه لماذا تغّني ؟

المقدم أحمد يحيى الثلايا

حد سمع الإسم ده قبل كده؟

قصته غريبة جدا ..و يمكن تبقى طبيعية جدا برده

هحكيلكم وانتو احكموا بقى

انهرده على تويتر لقيت واحد بيقول 

"عندما صاحت الجماهير المجتمعة حول ساحة الإعدام: أعدموه.. أقتلوه.. عندها صرخ الثلايا حزيناً: قاتل الله شعباً أردت له الحياة، فأراد لي الموت!"

"أردت له الحياة فأراد لي الموت"..الجملة كانت كفيلة تخليني عايزة أعرف مين الثلايا ده و قال كده ليه؟

و الحقيقة اني بعد اللى لقيته اتخضيت ..وبعدين تنحت شوية كده..وبعدين قلت عادي مش بعيدة عننا

مش عارفة انتو هتشوفوا القصة ازاي؟

من ويكيبيديا 

في 1955

بسبب الظلم الذي كان يمارسة الامام أحمد حميد الدين على الشعب اليمني قرر قائد جيشة آنذاك المقدم أحمد يحيى الثلايا بالقيام بانقلاب على حكم الامام احمد وتولية أحد أخوتة المثقفين الحكم مكانه، وقدم اختيار الأمير عبد الله بن يحيى حميد الدينليكون الامام الجديد

اتفق القائد الثلايا مع رجال الحرس الذين يحرسون قصر صالة المقيم فيه الإمام أحمد، وقال لهم: إن هذا الأمر مني، وقال الثلايا: الإمام أحمد مسجون بأمري، وأصبح مواطناً عادياً والأمر إليكم ألا تدعوه يخرج من القصر أبدا، وهو سجين لديكم الآن. طبعاً، إتصل القائد الثلايا بعدها بالإمام أحمد الموجود في قصر صالة بتعز وأخبره - بأنك الآن بت معزولاً وبات الإمام الآن مكانك عبد الله بن يحي حميد الدين. هنا رد الإمام أحمد تلفونياً على القائد الثلايا قائلاً له: لا ضير، لقد تنازلت عن الحكم من يدي اليمنى إلى يدي اليسرى، وهذا هو المكر بعينه!وبالفعل فلقد نُصّب عبد الله بن يحي إماماً، وطبعاً بدأت المبايعة له من قبل شيوخ القبائل وأهل الحل والعقد. لقد استمر هذا الحكم عشرة أيام فقط بمعنى أن إمامة عبد الله بن يحي، هذه الإمامة والمبايعة لم تدم طويلا. إلا أن الامام أحمد وبفضل دهائه ومكرة استطاع الخروج من المأزق واستمالة حراس قصره الذين كانوا يحاصرون القصر وخرج في الليل إلى قصر العرضي الذي كان يقيم فيه الامام الجديد أخوة عبد الله فألقى القبض عليه وعلى عدد من رجاله، وهرب المقدم الثلايا من مدينة تعز إلى أن جنود الامام استطاعوا القبض عليه

بعد القبض على المقدم أحمد يحيى الثلايا تم تقديمة لمحاكمة سريعة حكم عليه من خلالها بالاعدام، وهنا وقف الثلايا كأسد شجاع وهو يقول: ((أنا لا يهمني الإعدام أبداً، ولست خائفاً منه بتاتاً، وأنا ما ثُرت إلا من أجل الشعب اليمني العظيم والمطحون.))، فرد عليه الامام أحمد : ((سوف أنحي الحكم جانباً وأترك محاكمتك للشعب اليمني)). قال الثلايا:((أنا موافق لأنني أثق بهذا الشعب ثقة كبرى.)). وبالفعل أقام الامام أحمد محاكمة شعبية للثلايا في ملعب كرة القدم بمدينة تعز ودعي اليه بعض المغرر بهم والضعفاء فخاطبهم الامام أحمد : ((إن هذا الضابط كان جندياً مغموراً، أنا رقيته إلى رتبة عقيد وجعلته قائدا للجيش اليمني، فخان الأمانة وتمرد على الأوامر والتعليمات. ماذا تريدون أن يكون الحكم عليه؟))، فردوا بصوت واحد : الإعدام!، ثم قال الامام : منحته بيتاً في تعز مجاناً فخان الأمانة متمردا، ما حكمكم عليه؟، فردوا أيضا : الاعدام !، ثم قال الامام أحمد : وكان عندما ينتقل من ولاية إلى أخرى ومن محافظة إلى ثانية كنت أنقله بالطائرة مجاناً أيضا. فما يكون الحكم عليه بعد أن ارتكب ما ارتكب؟، فردوا أيضا : الاعدام !

و هنا وبعد صدور الاحكام الثلاثة قال مخاطبا الشعب : لقد أقدمت على ما أقدمت عليه وكنت مرتاح الضمير جدا، وأنا ما ثرتُ على النظام وأهله بل وجلاديه إلا عندما رأيتكم بهذه الحالة الكئيبة المزرية، لقد ثرت من أجلكم وفي سبيل الدفاع عنكم لأنني كرهت النظام وأربابه حينما تأكد لي أنكم تعانون كل أسباب القمع والفقر والبؤس والشقاء، أنا ما ثرت إلا من أجلكم ومن أجل أن تعيشون كما يعيش البشر، بل كما يعيش هؤلاء الذين يستعبدونكم ليلاً نهاراً ومنذ زمن بعيد.، فرد عليه بعض المنافقين بقولهم، انك تستحق الاعدام، فرد عليهم الثلايا بصوت عال : قبحت من شعبٍ أردتُ لك الحياة، وأردت لي الموت ونطق بالشهادتين قائلاً: أشهد أن لا إله إلا الله وأشهد أن محمدا رسول الله، وهنا قام السياف لتنفيذ أمر الاعدام بقطع العنق بالسيف لتنتقل روح الشهيد الثلايا إلى بارئها.

بس كده خلصت القصة

ما تتصدمش..لو فكرت شوية هتعرف ان الحرية دي حاجة جوا البني آدم..لو عندك مش هاقدر اخدها منك..ولا اديهالك

و مش هقدر أعلمهالك

مش هقدر أحسسهالك

مش هقدر أدوقهالك لو انت ما بتستطعمش

و مش هقدر أفرضها عليك لأنك لو مش مقدرها و أنا اشترتهالك بدمي هتحطها تحت رجليك 

 ___________

ويستجوبونه

لماذا تغّني ؟

يردُّ عليهم

لأنُي أُغنّي

وقد فتَّشوا صدرَهُ

فلم يجدوا غير قلبهْ

وقد فتشوا قلبَهُ

فلم يجدوا غير شعبهْ

وقد فتَّشوا صوتَهُ

فلم يجدوا غير حزنهْ

وقد فتَّشوا حزنَهُ

فلم يجدوا غير سجنهْ

وقد فتَّشوا سجنَهْ

فلم يجدوا غير أنفسهم في القيود

محمود درويش

يسقط يسقط حكم العسكر!

...

ما تراهنش على فشلي

فشلي عمره ما هيخلي فشلك نجاح

و نجاحي عمره ما هيخلي نجاحك فشل
انت هناك و انا هنا
و كل واحد بيعمل اللي شايفه صح

Don't worry..Be happy

some space

إلى : صديق شخص بيميل للصمت

مش لازم علشان ساكت لفترات طويلة يبقى مكتئب..يمكن في أفكار شاغلة تفكيره ومش بالضرورة يبقى عايز يتكلم عنها أو يشاركها مع حد..يمكن يبقى بيحب يفكر لوحده كتير و لو حب يفكر بصوت عالي أكيد هيفكر معاك..
لو مكتئب و مش عايز يتكلم يبقى بجد مش عايز يتكلم..كل اللي محتاجه some space و رغبتك في انك تبقى معاه يمكن ما تساعدش  و تعقد الموضوع..لأنه لو بيبقى رخم لما يكتئب هيحصل حاجة من الاتنين..يا إما هيرخم عليك و انت تزعل و يبقى اتضايق أكتر من الأول..يا إما هيضغط على نفسه علشان مايبقاش رخم معاك و يزعلك..و كده يبقى ضغط عليه أكتر..
لو هي مسألة وقت بالنسباله و ربنا كارمه و بيعرف يخرج نفسه من الإكتئاب ما تقلقش عليه..
قوله "أنا حاسس بيك و حاسس قد ايه انت متضايق..بس خليك متأكد اني جنبك..ولو احتجت أي حاجة أواحتجت تتكلم هتلاقيني موجود."
و سيبه..إديله وقته و مساحته..و هو لو محتاج يتكلم معاك هيتكلم..وما تخافش..انت كده وصلتله انه مش لوحده..
نصيحة ليك: لو بتحبه أوي ماتروحش  تكتئب انت كمان و تزعل على زعله..احنا كده ما عملناش حاجة.. كفايا واحد كئيب ليه نزودهم اتنين و ندور على واحد تالت يطلعك انت كمان من اكتئابك..ادعيله كتير و عيش حياتك طبيعي..
ولما يرجع..عادي جدا ولا كأن في حاجة حصلت..حسسه بس انك مبسوط انه رجع..و حسسه دي مش  معناها قوله خالص..

طبعا مش بنتكلم خالص عن الشخصيات اللي ما ينفعش تتساب لوحدها للإكتئاب..اللي مثلا ممكن يوصلوا لإكتئاب مرضي..أو اكتئابهم بيخليهم يتوقفوا لفترة طويلة عن ممارسة الحياة لفترة طويلة و بيحتاجوا حد يخرجهم لأنهم لو سبتهم هيفضلوا زي ما هم للأبد..أكيد لازم نراعي فروق الشخصيات..و نراعي ان كمان ان الموضوع نسبي..

لازم كمان نبقى فاهمين ان الناس بتختلف في طرق تعبيرها عن نفسها..علشان كده لوعايز تفهم أو تساعد صاحبك أو تبسطه بلاش تقيس على نفسك..شوف شخصيته هو ايه أكتر حاجة مناسبة ليها و اعملها..و أعتقد لو انتو صحاب فعلا هتعرف تكتشف الحاجة دي

___________

لو حسيت ان شخص غريب أو أول مرة تقابله..أومعرفتك بيه من بعيد لبعيد محتاج مساعدة..أي نوع بقى مادية (مش قصدي فلوس طبعا) أو معنوية..
اسأله : "انت كويس؟ "طيب في حاجة ممكن أعملها؟" أو"محتاج مساعدة؟"
لو قالك انه الحمد لله كويس وأكد لك انه مش محتاج مساعدة امشي و سيبه و ما تبقاش رخم و فضولي..لو هو قرر انه ما يعرفكش علشان يحكيلك قصة حياته أو يطلب مساعدتك..ما تفرضش نفسك عليه.. ممكن جدا ما يبقاش مرتاح في وجود حد غريب في موقف زي ده..و وارد جدا يبقى مقلق منك..انت عرضت مساعدتك وعملت اللى عليك و رضيت ضميرك..

طبعا هنا برضه مااقصدش واحد مرمي في الشارع بيموت..تروح انت "تسأله انت كويس؟" محتاج مساعد؟" فهو ما يردش علشان مش قادر..فتروح سايبه هو ماشي..ده موقف مبالغ فيه..بس اللي اقصده اننا لازم نبقى اذكيا كفاية و نعرف نقيم الموقف...
___________

طبعا كل الكلام اللي فوق ده من وجهة نظري المتواضعة ..كلمة لازم و طبعا و أكيد اتكررت كتير..بس مش المقصود منها فرض وجهة نظري على حد.

بيبعت

Everytime I decide to CHANGE my lifestyle,it ends up changing my profile picture on Facebook :(

عاملة نفسي عبيطة..كأن ماحدش مات..ماحدش اتدهس تحت مدرعات..المجلس العسكري زي الفل..كله تمام..مصر بخير..كلنا مبسوطين


كنت عايزة المدونة دي تفضل الجانب المشرق مني..لأني شخصية لا توصف بإنها متفائلة..أنا باشوفني واقعية..في ناس بتشوفني متشائمة..يمكن صح..يمكن!!..بس أنا دايما بابني تفكيري على معطيات..مش شايفة معطيات تبشر بحاجة كويسة..بس في نفس الوقت صعب تتنبأ بنهاية الماتش..
المصريين عملوا ثورة بعد ما كلنا فقدنا الأمل في نفسنا وفي كل حاجة
بس في نفس الوقت 30 سنة سكوت كتيير أوي و بتدل على حاجات كتير


 مؤمنة ان كلنا نستحق حياة أحسن..لأن أي بني آدم خلقه ربنا يستحق حياة كريمة
 إيماني بالسواد الأعظم من المصريين رجع يتهز
بس إيماني بالأقلية المغيرة ما اتغيرش عشان هم ما اتغيروش..لا زادوا ولا نقصوا
و في النهاية إيماننا بكرم ربنا أكبر من كل حاجة و أكبر من أي حد
________

"يبعت.. الله كبير
يبعت.. للفقير
بيبعت.. مرات شوي
 بيبعت.. مرات كتير
بيبعت..شمس وفي
بيبعت.. نار ومي
 بيبعت.. ما عنده صغير
 بياخد.. ما عنده كبير"
=)

و يعدي الصيف

يعدي الصيف - كايروكي

Smile-2

هو أنا ليه مقضياها صور؟!

على حلمنا

"كتر الخطاوي تدلنا على حلمنا"
احلم معايا-حمزة نمرة
=)

lullaby

في القدس

لا تزال طائفة من أمتي ظاهرين على الحق . لا يضرهم من خذلهم . حتى يأتي أمر الله وهم كذلك.

_____________________

ليست حكايا ما قبل النوم..كل حكاياهم عن النوم
و البداية كانت حلما داخل الحلم
 حكاية بلا نهاية
النهاية تعرفها عندما تستيقظ
و لتستيقظ يجب أن تنام
فمتى تنام؟

-أتمنى لك استيقاظ السعداء :)

كان يا مكان

"طولنا بأحلامنا السحاب"


ياما قالولنا مستحيل أحلامكو دي مش ممكنة
وحكولنا على الليل الطويل اللى محاصر حلمنا
بس احنا عدينا الصعاب طولنا بأحلامنا السحاب
وإيمانا في قلوبنا ما غاب ومسكنا بإيدينا الأمل

Smile

هم

هم ما يعرفونيش..بس أنا أعرفهم من سنين..

و بحسهم قريبين على قلبي أوي..

 شاركتهم لحظات كتير من حياتهم ..و من قريب..

لحظات  نجاح و فشل..قوة وضعف..قمة الفرح وقمة الإنكسار..الإنتصار و الهزيمة..

حتى لحظات التهييس و الهلوسة..عشتها معاهم..

عاصرت تطورات كتير في حياتهم ..

اللى كان في مدرسة ودخل الجامعة..و اللى كان كان في جامعة و اتخرج و اشتغل..و اللى اتجوز و خلف..اللى سافر و اللى رجع..

الصغير كبر..و الكبير كبر أكتر..

أعرف آرائهم في الحياة..أعرف فلسفتهم وأعرف فزلكتهم..

أعرف مين توجهاته ايه..و مين مالهوش في ايه..و مين اللى مالهوش في حاجة..

حتى الناس اللى بيحبوا يسمعوهم أعرفهم..

منهم اللى بحس انه شبهي أوي..و منهم اللى عكسي تماما..

تفاصيل صغيرة كتير من حياتهم اتجمعت و اتشبكت مع بعض مع الأيام..

وطلعت في الآخر..
صديق..
صديق فتحلي شباك على حياته  اسمه مدونة..

أيوة صداقة من طرف واحد..

أيوة افتراضية..

 أيوة هو  ما يعرفش عني حاجة..

وأيوة المعرفة مش كاملة لأن اللى  أعرفه عنه هي الحجات اللى سمحلي أعرفها..

بس في النهاية ماقدرش أمنع شعوري بقربهم على قلبي و شعوري اني أعرفهم كأنهم عشرة سنين..انهم يوحشوني لما يغيبوا..اني ابقى عايزة اطمن عليهم من وقت للتاني..

و حتى اني أفتكرهم في دعائي لما يبقوا محتاجينه..
قد أبدو للبعض عاملة فيلم عربي و مبالغة..و قد يبدو كلامي عادي و طبيعي جدا..
و بالرغم اني ساعات بحس اني عبيطة بسبب الموضوع ده..إلا اني سعيدة جدا بصداقاتي الإفتراضية اللى عمرها سنين..
سعيدة لأني استفدت من تجاربهم و شخصياتهم و عوالمهم المختلفة اللي سمحولي أدخلها..
وأعتقد اني  استفدت أكتر ما فدت في التجرية دي..بس أتمنى يجيلي يوم أفيد فيه ..
كل عام وهم بخير
كل عام و انتم بخير :)

...

يا أهل المدينة..

لا مدينة لكم اليوم..

إنما هو الله..و الجنة.

البراء بن مالك..في يوم اليمامة

عادي بقى..فاكس

مممممممممم..مع اني مش حساها دلوقتي..مش حاسة انه فاكس أي حاجة
بس دي من أيام الامتحانات برده

اعشق قمر

By:Vanilla
".Aim for the moon.If you miss,you may hit a star"

الصور دي نتايج مذاكرة أيام الإمتحانات حيث ان الواحد ما كانش بيضيع دقيقة :]
طبعا خطي الرائع اللى في آخر صورة.. و من كتر حلاوته العيال صحابي بيعرفوا انه خطي لوحدهم

0#

still searching..still trying